Hafnarstræti 82, 600 Akureyri
Tilboð
Atvinnuhús/ Verslunarhúsnæði
11 herb.
736 m2
Tilboð
Stofur
2
Svefnherbergi
9
Baðherbergi
8
Inngangur
Sér
Byggingaár
1919
Brunabótamat
232.700.000
Fasteignamat
134.220.000


Heildarhúseignin Hafnarstræti 82 á Akureyri - virðulegt steinsteypt hús í miðbæ Akureyrar sem skiptist í tvær hæðir og ris og skráð er nú sem fjórar eignir á jafnmörgum fastanúmerum.  Samtals telur eignin 736,5 m² fyrir utan sameignarfermetra.

Eignin skiptist þannig að í risi eru tvær íbúðir, á miðhæðinni er gistiheimili og á jarðhæðinni er góður salur, móttökurými, salerni og geymslur.

Jarðhæðin er skráð 236,2 m² auk þess sem henni fylgir 28,6 m² herbergi með baðherbergi á 2. hæð
Hæðin sjálf er þannig í dag að í syðri hluta hennar er góður salur hvar einnig eru þrjú salerni og baraðstaða.  Í ytri hluta jarðhæðarinnar eru geymslur og móttökurými og er hluti nýttur sem þvottahús í dag.   Eignin hýsti áður umferðamiðstöð og er eignin þannig skráð í Þjóðskrá í dag.  Tveir sér inngangar eru á hæðinni, annars vegar til suðurs og hins vegar til austurs.  Einnig er aðkoma um sameiginlegan inngang á vesturhlið.

Miðhæðin er 207,4 m² (að undanskildu rýminu sem tilheyrir neðri hæðinni) og er það í dag skráð sem gistiheimili og nýtist sem slíkt.  Á hæðinni eru tvö sameiginleg salerni og sturtuaðstaða, og eldhús fyrir gesti, 5 rúmgóð herbergi af ýmsum stærðum auk stúdíóíbúðar syðst í húsinu.  Úr eldhúsi og einu herbergjanna á hæðinni eru svalir til austur og úr stúdíóíbúðinni eru svalir til suðurs.  Viðrunarsvalir eru í tveimur herbergjum til vesturs og í einu til austurs.   Þessi hluti hússins er með gistileyfi og var breytt í gistiheimili árið 2015 en þá var farið í töluverðar framkvæmdir á hæðinni.

Íbúð í risi til suðurs (302) er 132,8 m² að stærð og skiptist í tvö svefnherbergi, stofu og eldhús í einu rými, baðherbergi og svefnloft.  Svalir eru til suðurs úr einu herbergjanna og til austurs út úr eldhús, og úr stofu til vesturs eru viðrunarsvalir.  Gistileyfi er á íbúðinni.  Geymsla fylgir íbúðinni sem staðsett er á stigapalli fyrir framan íbúðina.

Íbúð í risi til norðurs  (301) skiptist í eldhús og stofu, hol, rúmgott baðherbergi, eitt svefnherbergi og tvö svefnloft.  Auðvelt er að bæta við öðru svefnherbergi.  Svalir eru út úr stofu til austurs og viðrunarsvalir til vesturs.

Báðar íbúðirnar eru með mikilli lofthæð þar sem loftin eru tekin upp og gömlu bitarnar í loftunum fá að njóta sín.  Íbúðirnar eru bjartar og útsýni úr þeim gott og segja má að um einstakar íbúðir sé að ræða í miðbænum.  Inngangur í íbúðirnar er á vesturhlið hússins um sameiginlegt stigahús með 2. hæð.  

Lóðin undir húsinu er 932,8 m² og norðan við húsið er byggingarreitur og því möguleiki að stækka húsið til norðurs.

Fallegt og virðulegt hús í miðbæ Akureyrar sem getur hýst fjölbreytta starfsemi.


 

Senda fyrirspurn um eignina

Skilaboð hafa verið send.