Víkingaland , 604 Akureyri
Tilboð
Einbýli
0 herb.
216 m2
Tilboð
Stofur
0
Svefnherbergi
0
Baðherbergi
0
Inngangur
Sér
Byggingaár
2009
Brunabótamat
0
Fasteignamat
11.000.000

Víkingaland í Hörgársveit.

Húsið er skráð 216,1 m² en er að heildarstærð um 250 - 260 m².  Húsið er byggt að fornum sið, með burðargrind úr timbri og veggi úr torfi og grjóti og torfi á þaki ofan á timburklæðningu.  Húsið er að segja má fjórskipt,  stærstu rýmin eru skáli og stofa sem eru hlið við hlið, en svo eru út úr skála byggð baðhús til vesturs, og út úr stofu einnig til vesturs eldhúsrými.  Steypt gólf með gólfhitalögnum í (ótengdum) eru í baðhúsi og eldhúsi, en moldargólf eru í skála og stofu.  

Í skála er gangur í miðjunni og pallar til langhliðanna hvar gert er ráð fyrir svefnplássum.  Í stofu er sömuleiðis gangur í miðjunni en borð og bekkir til hliðanna hvar hátt í 50 manns geta setið.

Framkvæmdir við húsið hófust árið 2009 en voru aldrei kláraðar.  Rafmagn er komið á staðinn, en ekkert vatn eða rotþró.  Húsið er skemmtilega upp sett að fornri fyrirmynd og hugmyndin var að byggja upp ferðamannastað með áherslu á víkingaöldina, bjóða upp á veitingar og veisluhöld.  Verkið var þó aldrei klárað og nú er húsið skráð á byggingarstig 4, eða sem fokhelt.  Jafnframt er kominn tími á frekara viðhald á eigninni en t.a.m. hefur þak lekið og borðaklæðning á þaki undir torfinu er orðin léleg að hluta.

Húsið stendur á stórri leigulóð á Moldhaugnahálsi,  2,24 ha  að stærð í um 150 m hæð nokkuð uppi á hálsinum fyrir ofan bæjarstæði Moldhauga.  Húsin standa hátt og þaðan er tilkomumið útsýni yfir Eyjafjörðinn og Akureyri.   Aðkoma að lóðinni er um vegslóða sem tengist þjóðvegi 1 um heimreið að Moldhaugum.  Vegslóðinn er heldur lélegur og í núverandi ástandi aðeins fær jeppum.

Það er óhætt að segja að hér sé um óvenjulega en í senn athyglisverða eign að ræða.

Senda fyrirspurn um eignina

Skilaboð hafa verið send.