Jaðarstún 2 íbúð 202 - Glæsileg 3-4ra herbergja íbúð á efri hæð í suður enda í nýlegu fjórbýlishúsi í Naustahverfi - Stærð 97,2 m²

Eignin skiptist í forstofu, eldhús, stofu, baðherbergi, tvö svefnherbergi, þvottahús og geymslu sem getur nýst sem svefnherbergi.

Forstofa er með gráum flísum á gólfi og þreföldum spónlögðum eikar fataskáp.
Eldhús er með sérsmíðaðri hvítri sprautulakkaðri innréttingu með hvítu graníti á bekkjum og gleri á milli skápa. AEG tæki.
Úr eldhúsi er hurð út á rúmgóðar steyptar vestur svalir.
Stofa og eldhús eru í opnu rými með gluggum til suðurs og vestur. Á gólfi er vandað harð parket.
Svefnherbergin eru tvö, bæði með vönduðu harð parketi á gólfi og spónlögðum eikar fataskápum. Stærð svefnherbergja er skv. teikningum 8,6 og 11,6 m²
Baðherbergi er flísalagt í hólf og gólf, með hvítri sprautulakkaðri innréttingu með hvítri granít bekkplötu, upphengdu wc, handklæðaofni, sturtu og opnanlegum glugga.
Þvottahús er með gráum flísum á gólfi og hvítri sprautulakkaðri innréttingu með stæði fyrir þvottavél og þurrkara í vinnuhæð og stálvask. Opnanlegur gluggi er í þvottahúsinu.
Geymslan er inn af forstofunni, þar er vandað harð parket á gólfi og tvöfaldur spónlagður eikar fataskápur. Geymsla er notuð sem svefnherbergi í dag og er skv. teikningu 7,9 m² að stærð

Annað
- Vestur svalir, skráðar 12,2 m² að stærð
- Gólfhiti er í allri íbúðinni.
- Sameiginleg kyndikompa/geymsla er undir stigapallinum. 
- Íbúðin er í göngufæri við golfvöllinn.
- Eignin er laus til afhendingar 1.10.2023
- Eignin er í einkasölu