Falleg eign á sjávarlóð á suðurenda Hríseyjar í Eyjafirði.

Eignin skiptist þannig að íbúaðarhúsið er skráð 105,5 m² að stærð, frístundahús eða vinnustofa er skráð 49 m² og geymsla tæpir 40 m². 

Nánari lýsing
Íbúðarhúsið er timburhús á tveimur hæðum byggt árið 1933.  Húsið lítur vel út að utan og hefur verið mikið tekið í gegn á síðustur tveimur áratugum.  
Efri hæð skiptist í forstofu, baðherbergi, tvö svefnherbergi og stofu.
Neðri hæð skiptist í borðstofu, þvottarými, eldhús og eitt herbergi.

Forstofa er með flísum á gólfi og fataskáp.
Baðherbergi er flísalagt og þar er snyrtileg innrétting og sturtuhorn, opnanlegur gluggi.
Stofan er með parketi á gólfi.
Svefnherbergin eru þrjú, tvö á efri hæð og eitt á neðri.  Fataskápar eru í öllum herbergjum og parket er á gólfi herbergja efri hæðar og flísar á herbergi neðri hæðar.
Eldhúsið er flísalagt og þar er snyrtileg sérsmíðuð viðarinnrétting með flísum á milli skápa.  Útgangur er út á pall til suðurs úr eldhúsi.
Borðstofan er rúmgóð, flísalögð og með föstum bekkjum við vegg.

Annað
- Gólfhiti er í allri neðri hæðinni.
- Á síðustu 20 árum hefur verið skipt um allar vatns og raflagnir sem og allar innréttingar og gólfefni.
- Þak var yfirfarið árið 2021 m.a. sett á nýtt þakefni.
- Ljósleiðari er kominn inn og tengdur.

Gestahús / vinnustofa stendur á lóðinni. Timburhús á steyptum grunni sem byggt var árið 2003 sem vinnustofa og sýningarsalur.  Húsið er eitt opið rými með mikilli lofthæð og stórum gluggum til suðurs.  Baðherbergi er í húsinu með sturtu.
Gólf er flotað og málað og skemmtilegt útsýni er úr húsinu. 3ja fasa rafmagn.

Um 40 m² upphituð og einangruð geymsla er svo á lóðinni og þar er steyptur útveggur og steypt flísalagt gólf.  Geymslan er frekar löng og mjó en nýtist núna sem vinnurými, geymsla og líkamsrækt.  Stærð geymslunnar er ekki inní heildarfermetrafjölda eignarinnar.

Lóðin er mjög skemmtileg og allt í kringum húsið eru pallar og þar er m.a. grillhýsi. Garðurinn opinn mót suðri og niður í fjöru en með skjólgirðingar til austurs og vesturs.  Gámur er grafinn undir pallinn og þar er jafnframt ágætt geymslurými.  Gámurinn er einangraður og með rafmagni, um 12 m² að stærð. 
Hér er um að ræða skemmtilega eign í einstakri náttúruperlu.