Ferðaþjónustan að Stóru-Laugum í Reykjadal í Þingeyjarsveit (Stóru-Laugar 2 og 3)

Um er að ræða tvö hús undir gisti- og veitingarekstur auk stórrar lóðar hvar jafnframt er hægt að vera með tjaldsvæði.
Stóru-Laugar eru í fallegu umhverfi Reykjadals sem er skemmtileg staðsetning á milli margra af helstu ferðamannastöðum á Norðurlandi.  Um 60 km eru til Akureyrar, 40 km til Húsavíkur og um 30 km til Mývatns.  Laugar eru í göngufæri og þar er sundlaug, framhaldsskóli og verslun svo eitthvað sé nefnt.

Húsin að Stóru-Laugum eru tvö.  Eldra húsið var byggt árið 1949, steypt hús á tveimur hæðum auk riss sem gert var upp og breytt í gistiheimili árið 2006. Húsið er skráð 311,4 m² að stærð og í því eru 10 herbergi og öll með baðherbergjum.  3 herbergi eru á jarðhæðinni en þar er jafnframt þvottahús og geymsla.  4 herbergi eru á efri hæð og í risi eru 3 herbergi.  Öll herbergin á hæðunum eru mjög rúmgóð, en herbergin í risi eru minni en skemmtileg og undir súð. Sunnan við húsið er stór pallur og rúmgóður steyptur heitur pottur.   Þegar húsið var gert upp árið 2006 voru allar, vatns- og raflagnir endunýjaðar, allar innréttingar og gólfefni, sem og gluggar og gler auk þess sem húsið var einangrað að utan og klætt.

Yngra húsið var byggt árið 2013 og er skráð 436,5 m² að stærð.  Neðri hæðin er steypt og skiptist í móttöku, veitingasal, setustofu, eldhús, salerni, starfsmannaaðstöðu og geymslur.
Gengið er inn í neðri hæðina á vesturhlið hússins og þar fyrir framan er viðarverönd.  Veitingasalurinn tekur um 50 manns í sæti og þar er flögutex á gólfum.  Innaf salnum er fullbúið eldhús með epoxíðefni á gólfum.  Salerni eru bæði fyrir gesti sem og fyrir starfsfólk og innaf eldhúsi er kaffistofa fyrir starfsfólk.  Neðri hæðin er skráð 216,0 m² að stærð.
Efri hæðin er samsett úr timbureiningum og skiptist í 8 herbergi sem öll eru með baðherbergjum og sér inngangur er í öll herbergin.  Stór timburverönd er við suðurhlið hússins er einnig er timbuverönd hvar gengið er inn í herbergin á austur og norðurhlið hússins.
Einnig er á efri hæð aðstöðu- og vinnurými fyrir starfsfólk.  Efri hæðin er skráð 220,5 m² að stærð.

Lóðin sem fylgir eignunum er 21.404 m² að stærð (eignarlóð) eða rétt rúmir 2 ha og nær m.a. nokkuð norður fyrir neðra húsið hvar auðvelt er að vera með tjaldsvæði.  Nyrst á lóðinni eru salerni sem notuð voru fyrir tjaldsvæði sem þarna var rekið um tíma og þar eru jafnframt rafmagnstenglar fyrir ferðahýsi.  Norðan við veitingasöluna er frístandandi kælir sem fylgir með við sölu.

Við sölu myndu fylgja með allir rekstrarmunir sem og bókanir, og miðast við eignirnar seljist í fullum rekstri.  Eigendur vilja helst selja félagið sem heldur utan um reksturinn og á fasteignirnar, Sóru-Laugar ehf kt. 600201-2630 en einnig er mögulegt að félagið selji eignirnar út úr rekstrinum. 

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.