Hlíðarvegur 52 - Fallegt útsýnishús á tveimur hæðum með rúmgóðum bílskúr og útleiguíbúð á neðri hæð á Ólafsfirði - stærð 359,0 m²

Eignin skiptist með eftirtöldum hætti, 
Aðalhæð, 160,7 m²: Forstofa, sjónvarpshol, eldhús, búr, stofa og borðstofa, baðherbergi, þrjú svefnherbergi og þvottahús/annar inngangur.
Neðri hæð, 159,1 m²: Gangur, geymsla, kyndikompa, baðherbergi, tvö svefnherbergi og 2ja herbergja íbúð með sér inngangi. 
Bílskúr 39,2 m²

Forstofa er með flísum á gólfi og spónlögðum skáp og skúffueiningu. Fyrir framan er steypt stétt með hitalögn í, kynnt með affalli af húsi. 
Eldhús, vönduð hvít sprautulökkuð innrétting með spónlögðum hliðum og flísum á milli skápa. Siemens tæki. Borðkrókur með glugga með útsýni út fjörðinn. Korkur er á gólfi. Lítið búr er inn eldhúsinu með plast parketi á gólfi, hvítri innréttingu og opnanlegum glugga. 
Stofa og borðstofa eru í rúmgóðu opnu rými og með stórum gluggum til suðurs og vesturs. Parket er á gólfi. Fallegur hlaðinn arin er í stofunni. 
Sjónvarpsholið er miðsvæðis í eigninni, rúmgott og opið rými með flísum á gólfi. Við endan á sjónvarpholinu er hurð út á suðvestur svalir. 
Svefnherbergin eru þrjú á hæðinni, öll með parketi á gólfi og tvö með fataskápum. 
Baðherbergi er með flísum á gólfi og panil á veggjum og í loftum, viðar innréttingu og snyrtiborði, wc, baðkari, sturtu og opnanlegum glugga. 
Þvottahús nýtist sem annar inngangur fyrir eignina. Þar eru flísar á gólfum og hvít sprautulökkuð innrétting með stæði fyrir þvottavél og þurrkara í vinnuhæð og opnanlegur gluggi.
Hringstigi er á milli hæða.
Gangur á neðri hæðinni er með plast parketi á gólfi og hurð út á hellulagða verönd.
Svefnherbergin eru tvö á neðri hæðinni, bæði með plast parketi á gólfi. Góður fataskápur er í öðru þeirra. 
Baðherbergi er með dúk á gólfi, hvítri innréttingu, wc og sturtu með dúk á veggjum.
Geymslan er ágætlega rúmgóð og með lökkuðu gólfi. Við hliðina á geymslunni er kyndkompa sem nýtist sem geymsla líka. 
 
Sér 2ja herbergja íbúð er á neðri hæðinni og er gengið niður steyptar tröppur milli íbúðarhúss og bílskúr þegar farið er inn í hana.
Forstofa er með flísum á gólfi.
Eldhús, plast parket á gólfi og viðarlituð innrétting með borðkrók með gluggum til vesturs.
Stofan er ágætleg rúmgóð, með plast parketi á gólfi og gluggum til suðurs.
Svefnherbergið er með plast parketi á gólfi.
Baðherbergði er með flísum á gólfi og veggjum, hvítri innréttingu, upphengdu wc, sturtuklega og opnanlegum glugga.
 
Bílskúrinn er skráður 39,2 m² að stærð og með tveimur innkeyrsluhurðum, önnur rafdrifin. Flísar eru á gólfi og sér gönguhurð á hliðinni á móti hurð inn í þvottahús.  Fyrir framan bílskúr er steypt bílaplan með hitalögnum í, kynnt með affalli af íbúðarhúsi.
 
Annað
- Lagður var nýr þakpappi á íbúðarhús árið 2023
- Mikið af gleri hefur verið endurnýjað.