Sæberg - 7 herbergja einbýlishús með innbyggðum bílskúr í fallegu umhverfi við Krossanesbraut - 202,2 m²

Eignin var endurbyggð á árunum 2002 - 2006 og þá var einnig byggt við og húsið stækkað um 70,8 m²
Eignin er í dag 202,2 m² að stærð sem skiptist í 169,9 m² íbúðarrými og 32,2 m² bílskúr.
Allar innréttingar nema á stærra baðherberginu eru smíðaðar úr Hlyn og koma frá Ölur trésmiðja. 

Eignin skiptist í forstofu, hol, eldhús, stofu, borðstofu, tvö baðherbergi, sex svefnherbergi, þvottahús og bílskúr. 

Forstofa: Flísar á gólfi og þrefaldur skápur. 
Hol: Flísar og eikar parket á gólfi og þrefaldur skápur.
Eldhús: Vönduð innrétting með miklu skápa- og bekkjarplássi og flísum á milli skápa. Dúkur á gólfi og rúmgóður borðkrókur. Ofn og helluborð eru frá gorenje.
Baðherbergin eru tvö. Hið stærra er með flísum á gólfi og veggjum, hvítri sprautulakkaðri innréttingu, baðkari, sturtu, handklæðaofn og opnanlegum glugga. Minna baðherbergið er einnig flísalagt bæði gólf og veggir, gólfhiti, efri skápur, upphengt wc og sturta. 
Svefnherbergin eru sex, öll með eikar parketi á gólfi. Fataskápar eru í þremur herbergjanna og fataherbergi innaf hjónaherbergi. 
Stofa er með eikar parket á gólfi og úr stofu er tvöföld hurð til vesturs út á timbur verönd sem er með vestur og suður hlið hússins. Kamína er í stofunni.
Þvottahús: Flísar á gólfi, hvít sprautulökkuð innrétting og hurð til austurs út á baklóð. Á baklóð eru þvottasnúrur og geymsluskúr.
Bílskúr: Flísar á gólfi, rafdrifinn hurðar opnari og vinnubekkur með stálvask. Geymsluloft er yfir hluta bílskúrs. Innangengt er í bílskúr í gegnum forstofu.
Fyrir framan er nýlega hellulagt bílaplan með hitalögnum í, lokað kerfi.

Annað
- Húsið var byggt árið 1951, þá 131,3 m² að stærð en á árunum 2002-2006 var það gert fokhelt, byggt við það 70,8 m² og allt endurnýjað að innan. Þá var það einangrað að utan, skipt um glugga, þak og allar lagnir endurnýjaðar. 
- Húsið er steinað að utan
- Ljósleiðari kominn inn og tengdur.
- Mikil uppbyggingar er á svæðinu í kring - skemmtilegt umhverfi.