Duggufjara 6 - Fallegt 6 herbergja einbýlishús á tveimur hæðum með bílskúr á einstökum stað við tjörnina í Innbænum á Akureyri.  Húsið er samtals 297,9 m² að stærð og þar af telur bílskúrinn 36,0 m².

Eignin skiptist með eftirfarandi hætti:
Neðri hæð: Forstofa, eldhús, borðstofa, stofa, svefnherbergi, hol, búrgeymsla, baðherbergi, þvottahús og bílskúr.
Efri hæð: Þrjú svefnherbergi, baðherbergi og hol/stigapallur.

Forstofur eru tvær inní húsið að vestanverðu frá bílastæði.  Aðalforstofan er flísalögð og þar eru fataskápar og innfelld lýsing í loftum. Hin forstofan er inngangur inní millibyggingu á milli húss bílskúr, þar eru einnig flísar á gólfum og fataskápar. 
Eldhús er rúmgott og með flísum á gólfi, vandaðri viðarinnréttingu með borðplötu úr stein. Innbyggður ísskápur er í innréttingu og stæði fyrir uppþvottavél er fylgir með við sölu eignar. Öll tæki eru frá Miele, þ.e. gashelluborð, ofn, uppþvottavél og örbylgjuofn. Borðkrókur er í bjartri útbyggingu til vestur.
Borðstofa er innaf eldhúsi, þar eru flísar á gólfi og útgengt á hellulagða verönd til suðurs með heitum potti.
Stofa er einkar rúmgóð og björt og skiptist hún í fallegt seturými með veglegum arni, og sjónvarpshorn.  Flísar eru gólfi og innfelld lýsing í loftum.  
Svefnherbergi eru fjögur talsins, eitt á neðri hæð og þrjú á efri hæð.  Herbergið á neðri hæð er með flísum á gólfi og fataskáp og tvö herbergi efri hæðar eru með parketi á gólfi og fataskápum. Þriða herbergið á efri hæðinni er rúmgott hjónaherbergi með fataherbergi og innbyggðri kommóðu og náttborðum. Í öllum herbergjum er innfelld lýsing í loftum.
Hol neðri hæðar er með flísum á gólfi og þaðan er m.a. farið um stálstiga með timburfjölum á milli hæða í veglegu stigahúsi með gluggum og austurhlið hússins, sem tengir hæðirnar saman með skemmtilegum hætti.
Hol eða stigapallur á efri hæð er með parketi á gólfi og þaðan er skemmtilegt útsýni út á tjörnina til austurs.
Baðherbergin eru tvö, eitt á hvorri hæð.  Baðherbergi neðri hæðar er flísalagt, með upphengt wc, sturtuklefa og innréttingu með borðplötu úr steini.  Baðherbergi efri hæðar er rúmgott, með ljósri innréttingu með steini á borði, upphengt wc, sturtuklefa, baðkari og tveimur handklæðaofnum.  Einnig er á baðherberginu ljósabekkur sem fylgir með við sölu.
Búrgeymsla er flísalögð og með ljósri innréttingu, þar er opnanlegur gluggi. 
Þvottahús er með ljósri innréttingu með stæði fyrir þvottavél og þurrkara.  Úr þvotthúsi er útgengt út á hellulagða verönd til austurs.
Bílskúr er 36 m² að stærð með flísum á gólfi, rafknúnni innkeysluhurð að vestanverðu og gönguhurð til austurs.  

Lóðin er mjög falleg og vel staðsett við tjörnina í Innbænum. Framan við húsið er gott hellulagt bílaplan með snjóbræðslu og einnig eru hellulagðar verandir og stéttar allt í kringum húsið og steyptir veggir sem og steypt blóma- og gróðurker.   Austan við lóðina er opið svæði að tjörninni. Umhverfið er fallegt, tjörnin og skógi vaxin brekkan.
Húsið er með skráð byggingarár 1990 en var breytt og nánast endurbyggt árið 1996 en þá var húsið stækkað og bætt við kvistum bæði til austurs og vestur auk stigahúss sem setur mikinn svip á húsið.