Ægisgata 6 - Vandað og fallegt einbýlishús á tveimur hæðum á Dalvík - Stærð 250,2 m².

Eignin skiptist með eftirfarandi hætti
Efri hæð: Forstofa, eldhús, stofa, þrjú svefnherbergi, sjónvarpshol, baðherbergi og þvottahús.
Neðri hæð: Stórt opið rými, bílskúr og geymsla. 

Efri hæð
Forstofa er flísalögð. Vandaður eikarskápur. Úr forstofu er gengið niður um hringstiga í kjallara hússins.
Eldhúsi þar er mjög vönduð sérsmíðuð innrétting, spónlögð eik. Vönduð tæki. Granít í bekkplötu og svartar flísar á veggjum. Eldhúsgólf er flísalagt.
Stofa og borðstofa eru í opnu rými. Flísar á gólfi. Úr þessu rými er gengið út á verönd til vesturs. Vandaður skenkur og skápur úr samskonar eik og eldhúsinnrétting á vegg til vesturs. 
Svefnherbergin eru þrjú á hæðinni. Plastparket á gólfi. Í svefnherbergjum eru ofnar en ekki gólfhiti. Góðir nýlegir fataskápar eru í tveimur herbergjum.
Sjónvarpshol er rúmgott. Eikar skápar undir sjónvarpsbúnað fylgja. Flísar á gólfi.
Þvottahús er afar vandað og rúmgott. Mikið skápapláss en innrétting er spónlögð eik. Flísar á gólfi. Úr þvottahúsi er gengið út á stétt til norðurs. 
Baðherbergi er með viðarinnréttingu, baðkari með sturtutækjum og vegghengdu wc.. Flísar á gólfi og veggjum. 

Neðri hæð 
Opið rými, komið er niður hringstiga í stórt opið rými sem býður uppá mikla möguleika, í endann á rýminu er búið að útbúa svefnherbergi.
Bílskúr er með rafknúnum hurðaopnara. Gólf lakkað. Gömul innrétting á vegg.
Geymsla með salerni er innaf bílskúr. Gólf lakkað. 
Ekki er full lofthæð á neðri hæð.

Húsið var mikið endurnýjað árið 2010 en þá var meðal annars settur hiti í hluta gólfa, skipt um allar innréttingar og innihurðir á efri hæð, gólfefni á hæðinni, hluta af gluggum og gleri, útidyrahurðir, rafmagn og lagnir. Sett var innfelld lýsing á efri hæðinni. Ofnar endurnýjaðir. Þak er endurnýjað og sett innfelld lýsing. 

Stórt steypt bílastæði er framan við húsið og steyptar tröppur. Mjög stór og vandaður sólpallur er sunnan og vestan við hús. Hellulögð stétt umhverfis húsið. 12 m² geymsluskúr byggður 2013. Rafmagn í skúr. Vestan við húsið er búið að steypa grunn fyrir sólstofu, til eru samþykktar teikningar fyrir sólstofu, en í dag er þar vandaður sólpallur. Lokað frostlögskerfi er í bílaplani og tröppum.