Mýrarvegur 115 íbúð 301 - Björt og falleg 3ja herbergja íbúð á 3ju hæð í suður enda í góðu fjölbýlishúsi fyrir 55 ára og eldri með sér stæði í bílageymslu - stærð 96,0 m²

Eignin skiptist í forstofu, eldhús, stofu, tvö svefnherbergi, gang, baðherbergi, þvottahús/geymslu og sér geymslu í kjallara. Eigninni fylgir einnig sér stæði í bílageymslu.  

Forstofa er með spónlögðum eikar fataskáp og parketi á gólfi. Úr forstofu er gengið inn á gang með parketi á gólfi. 
Eldhús, vönduð spónlögð innrétting með ljósri bekkplötu og ljósum flísum á milli skápa. Bakaraofn í vinnuhæð og stæði er í innréttingu fyrir ísskáp. Lítil innfelld uppþvottavél fylgir með við sölu. Góður borðkrókur með glugga til vesturs. 
Stofa er í opnu rými með eldhúsi, þar eru góðir gluggar í vestur og til suðurs. Úr stofu er gengið út á rúmgóðar steyptar svalir sem snúa til vesturs með járn handriði. Svalirnar eru skráðar 8,3 m² að stærð.
Svefnherbergin eru tvö, bæði með parketi á gólfi og spónlögðum fataskápum. Herbergin eru skráð 13,0 m² og 8,0 m² að stærð. Í stærra herberginu eru sexfaldur fataskápur en í því minna er tvöfaldur fataskápur og hillusamstæða.
Baðherbergi er með flísum á gólfi og tveimur veggjum, spónlagðri eikar innréttingu, wc, sturtu og glugga með rafmagns opnara. 
Þvottahús/geymsla er með flísum á gólfi, bekk með skolvask og hillum. 
Sér geymsla er í kjallaranum með lökkuðu gólfi og hillum. Stærð geymslu er skráð 4,3 m². 

Íbúðinni fylgir einnig afar rúmgott enda bílastæði í bílageymslunni en þar er þvottaaðstaða fyrir bílana. Hægt er að koma fyrir rafhleðslustöð við stæðið.

Annað
- Allar innréttingar, fataskápar og innihurðir eru spónlögð eik. 
- Búið er að taka inn ljósleiðara. 
- Sameiginleg dekkjageymsla er í kjallaranum. 
- Snyrtileg sameign
- Eignin getur verið laus til afhendingar fljótlega