Bakkatröð 2 - Skemmtilegt 5 herbergja einbýlishús á einni hæð með bílskúr í Hrafnagilshverfi í Eyjafjarðarsveit - stærð 171,8 m² 

Eignin getur verið laus til afhendingar fljótlega

Eignin skiptist í forstofu, eldhús og stofu í opnu rými, gang, fjögur svefnherbergi, baðherbergi, þvottahús og bílskúr með snyrtingu og herbergi innst. Geymsluloft er yfir húsinu. 

Húsið er timburhús og var byggt árið 2016.
Forstofa er með flísum og harð parketi á gólfi. 
Eldhús, falleg hvít innrétting og eldunareyja með mjög góðu skápa- og bekkjarplássi. AEG helluborð og ofnar. Uppþvottavél og ísskápur fylgja með við sölu eignar. Úr eldhúsi er tvöföld hurð út á steypta verönd sem er með suður og hluta vesturhliðar eignar. 
Stofa og eldhús eru í opnu rými þar sem harð parket er á gólfum og innfelld lýsing í loftum. Gluggar til þriggja átta. 
Svefnherbergin eru fjögur, öll með harð parketi á gólfi og innfelldri lýsingu í loftum. . Í hjónaherbergi er stór hvítur fataskápur. Stærð herbergja er skv. teikningum 9,2 , 9,8 og 13,6 m². 
Baðherbergi er flísalagt bæði gólf og veggir, hvít innrétting, upphengt wc, baðkar, sturta, handklæðaofn og opnanlegur glugga. Innfelld lýsing er í lofti. 
Lítil snyrting er innst í bílskúrnum með flísum á gólfi, upphengdu wc, hvítri innréttingu og speglaskáp. 
Þvottahús nýtist sem annar inngangur fyrir eignina. Þar eru flísar á gólfi og hvít innrétting með skolvaska. Gengið er í gegnum þvottahúsið þegar farið er inn í bílskúr. 
Bílskúrinn er skráður 45,8 m² að stærð en er minni þar sem búið er að útbúa lítið svefnherbergi og snyrtingu innst í honum. 
Sér gönguhurð og rafdrifin innkeyrsluhurð. Fellistigi er upp á geymsluloft sem er yfir húsinu. Fyrir framan er rúmgott bílaplan með perlumöl.
Herbergi inn af bílskúr er með harð parketi á gólfi og nýtist það sem fimmta svefnherbergið í dag.

Annað
- Innfelld led lýsing er í helstu rýmum. 
- Aukin lofthæð, um 2,6 m.
- Varmaskiptir er á neysluvatni. 
- Steypt verönd með timbur skjólveggjum er með suður og hluta af vesturhlið eignar. Þar er heitur pottur, skel með danfoss pottastýringu. Hitalagnir eru í hluta af verönd, ótengdar
- Rafhleðslustöð fylgir með við sölu eignar.  
- Eignin er í einkasölu

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.