Hlíðarvegur 40 Ólafsfirði - 7 herbergja útsýnishús - einbýlishús á tveimur hæðum og með innbyggðu bílskúr - Skráð stærð 299,8 m²

Eignin er laus við kaupsamning

Eignin skiptist með eftirtöldum hætti, 
Efri hæð: Forstofa, gangur, eldhús, stofa og borðstofa, baðherbergi, tvö barnaherbergi og hjónaherbergi með fataherbergi. 
Neðri hæð: Forstofa, hol, þvottahús, snyrting, þrjú svefnherbergi og tvær geymslur, önnur staðsett undir bílskúr.

Forstofa er með flísum á gólfi. Annar inngangur er á bakhlið hússins, þar eru flísar á gólfi og tvöfaldur skápur. 
Eldhús, flísar á gólfi og snyrtileg hvít og beyki innrétting með flísum á milli skápa. Gott bekkjarpláss og borðkrókur með skemmtilegum útsýnisglugga.
Stofa og borðstofa eru í opnu rými með gluggum til þriggja átta og hurð út á steyptar svalir sem eru á hluta af suður og vesturhlið hússins. Teppi er á gólfi. 
Baðherbergi er með flísum á gólfi og hluta veggja, lakkaðri blárri innréttingu, wc og steyptu flísalögðu baði. 
Snyrting er á neðri hæðinni með flísum á gólfi, dökkri plastlagðri innréttingu, wc og opnanlegum glugga. 
Svefnherbergin eru sex talsins, þrjú á efri hæðinni, tvö barnaherbergi bæði með ljósu plast parketi á gólfi og hjónaherbergi með litlu fataherbergi inn af, einnig með ljósu plast parketi á gólfi. Þrjú svefnherbergi eru á neðri hæðinni, öll ágætlega rúmgóð og með plast parketi á gólfi. 
Steyptur og teppalagður stigi er milli hæða.
Þvottahús er með lökkuðu gólfi, ljósri innréttingu og skáp og opnanlegum glugga. 
Geymslurnar eru tvær, ein innan íbúðar með lökkuðu gólfi og hillum og önnur undir bílskúr, skráð 34,0 m² að stærð með gróf steyptu gólfi og gluggum. Ekki er full lofthæð í geymslunni og er hún kynnt með affalli af íbúðarhúsi. Sér inngangur er inn í geymsluna af baklóðinni. 
Bílskúr er skráður 34,0 m² að stærð, með sér gönguhurð og rafdrifinni innkeyrsluhurð.  Hiti er í gólfi. Fyrir framan er steypt bílaplan. 

Annað
- Hellulögð stétt er með bakhliðhússins og hlaðnar tröppur eru á suðurhliðinni. 
- Nýtt þak var sett á húsið árið 2021 og settir hitaþræðir í þakrennur.
- Eftir er að setja upp loftaklæðningu á efri hæðinni en hún fylgir með.
- Þegar þakið var endurnýjað voru raflagnir að stærstum hluta endurnýjaðar á efri hæðinni. 
- Búið er að endurnýja hluta af gleri. 
- Gluggar og hurðir var málað að utan sumarið 2023.
- Möl er í baklóðinni.
- Búið er að taka inn ljósleiðra

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.