Fasteignasalan Hvammur 466 1600 

Bylgjubyggð 63 - Mjög mikið endurnýjuð 4ra herbergja parhúsaíbúð, suður endi á Ólafsfirði - stærð 116,0 m²

Eignin skiptist í forstofu, gang, eldhús, stofu og borðstofu, baðherbergi, þrjú svefnherbergi og þvottahús. Á baklóðinni er um 15 m² geymsluskúr sem fylgir með við sölu eignar. 

Forstofa er með gráum flísum á gólfi og þreföldum skáp. 
Eldhús hefur verið endurnýjað, þar er hvít innrétting frá HTH með innfelldum ísskápa og uppþvottavél sem fylgja með við sölu eignar. Ljós bekkplata og flísar á hluta veggja. 
Stofa og borðstofa eru í opnu rými þar sem ljóst harð parket er á gólfi og loft eru tekin upp. Úr stofu er hurð út á verönd, steypt og timbur og með timbur skjólveggjum. Rafmagnpottur er á veröndinni og fylgir hann með við sölu. 
Baðherbergi hefur verið endurnýjað, þar eru gráar flísar á gólfi og hvítar á hluta veggja, eikarlituð innrétting og skápur, upphengt wc, baðkar með sturtutækjum og opnanlegur gluggi. 
Svefnherbergin eru þrjú, öll með ljósu harð parketi á gólfi og tvö með fataskápum. 
Þvotthús getur nýst sem annar inngangur fyrir eignina en þar er hurð út til suðurs. Gráar flísar er á gólfum og nýleg (2022) hvít innrétting. Lítið geymsluloft er yfir hluta. 

Annað
- Loft eru tekin upp í öllum rýmum og á holinu er þakgluggi sem gefur skemmtileg birtu inn í íbúðina.
- Gólfhiti er í öllum rýmum nema svefnherbergjum. Steypt var ný gólfplata þegar gólfhitinn var lagður.
- Nýtt gler var sett í glugga á framhlið hússins og á baðherbergi árið 2023.
- Húsið var málað að utan árið 2022.
- Fyrir framan er steypt bílaplan og stétt með hitalögnum í, einnig eru hitalagnir í verönd og stétt að inngangi inn í þvottahús.
- Fyrir framan húsið er opið svæði og leiksvæði.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.