Fasteignasalan Hvammur  -  466-1600  -  [email protected]

Barmahlíð 4 - Fallegt og mikið endurnýjað 7 herbergja einbýlishús á pöllum með sambyggðum bílskúr við litla botnlangagötu í Glerárhverfi. Heildarstærð er skráð 275,2 m² en þar af telur bílskúrinn 32,5 m²  

            - Nútímalegt eldhús - 
            - Tvö baðherbergi -
            - Verönd með heitum og köldum potti -
            - Gott útsýni -
            - Stutt í leik-, grunn- og háskóla - 
            - Stutt í verslun og þjónustu og íþróttarsvæði þórs - 

Eignin skiptist með eftirfarandi hætti: forstofa, eldhús og borðstofa í opnu rými, tvær stofur, fimm svefnherbergi, tvö baðherherbergi, þvottahús, geymsla og bílskúr. 

Nánari lýsing: 
Forstofan er einkar rúmgóð, með hvítum flísum á gólfi og svörtum fataskáp.
Eldhús hefur verið endurnýjað á mjög snyrtilegan hátt. Þar er hvít innrétting með Quartz steini á bekkjum. Einkar gott skápa- og vinnupláss er í eldhúsinu og þar er einnig innfelldur tækjaskápur. Í innréttingu er tvöfaldur ofn í vinnuhæð, Miele spanhelluborð og stæði fyrir tvöfaldan ísskáp. Innbyggð uppþvottavél fylgir með við sölu. 
Borðstofa er í opnu rými með eldhúsinu og er hún rúmgóð með frábæru útsýni yfir í Vaðlaheiði. Innfelld lýsing í lofti og harðparket á gólfi. 
Stofa og sjónvarpsstofa eru á sömu hæð og eldhús og borðstofa. Þar er einnig harðparket á gólfi og innfelld lýsing. Í sjónvarpsstofu er arin. Stofan er björt, með gluggum til þriggja átta. Af hæðinni er gengið út á rúmgóða steypta verönd við vesturhlið hússins. Þar er heitur og kaldur pottur.  
Svefnherbergin eru fimm talsins. Tvö þeirra eru á neðri palli og þrjú á efsta palli hússins. Herbergin eru öll með sama harðparketi á gólfi. Fataskápar eru á gangi fyrir framan herbergin nema í hjónaherberginu, þar eru fataskápar. Úr stærra herberginu á neðri palli eru dyr út á steypta verönd til suður og úr hjónaherberginu á efsta palli eru dyr út á steyptar svalir til suðurs. 
Baðherbergin eru tvö, annað á neðri palli og hitt á efsta pallinum. Baðherbergið á neðri hæðinni er mjög rúmgott, með flísum á gólfi og veggjum, upphengdu wc, baðkari og opnanlegum glugga. Þar er hvít innrétting með afar góðu plássi. Á baðherbergi á efsta palli er walk-in sturta og hvít innrétting. Upphengt wc og opnanlegur gluggi. 
Þvottahús er með flotuðu gólfi og hvítri innréttingu. Þar er stæði fyrir þvottavél og þurrkara í vinnuhæð og skolvaskur. Í þvottahúsi er einnig bakdyrainngangur. 
Geymsla er inn af þvottahúsi og þar er flotað gólf og hillur á veggjum. 
Innangegnt er í bílskúr úr þvottahúsi. Þar er lakkað gólf, rafdrifin innkeyrsluhurð og inngönguhurð. Bílskúrinn er skráður 32,5 m² að stærð. 

Framkvæmdir síðustu ára að sögn eigenda:
- Baðherbergi á neðri hæð endurnýjað 2011 og settar nýjar innihurðar.
- Þvottahús endurnýjað árið 2015.
- Eldhús endurnýjað árið 2016, settur gólfhiti á þá hæð og innfelld lýsing í loft.
- Árið 2017 var veröndin steypt, sett snjóbræðsla í hana og drenað meðfram vestur-, suður- og austurhliðinni að hluta.
- Lóð var endurgerð og lagt nýtt gras árið 2017.
- Þak var yfirfarið og þakjárn og þakkantur endurnýjað 2021.
- Ný bílskúrshurð og nýjar útidyrahurðar í forstofu og þvottahúsi árið 2023.

Annað: 
- Hitalagnir eru í bílaplani og steyptri verönd, lokað kerfi.
- Gólfhiti er á allri aðalhæðinni, í forstofunni, þvottahúsinu og á báðum baðherbergjunum. 
- Geymsluloft er yfir hluta.
- Ljósleiðari.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.